01(新北耶誕城官網)
 


聖誕節差不多就到,雖然隨着娛樂節目愈來愈多,一家大細一齊去維港兩岸睇燈飾,已經唔係指定動作,但仍然有唔少人藉睇燈飾感受氣氛。台灣雖然冇聖誕假放,但各大縣市都會有聖誕活動,類似尖東燈飾滿佈嘅地方仍然到處可見。單以大台北地區來說,近年在新北市板橋區舉辦的「新北耶誕城」,應該算是比較有代表性和大型的燈飾盛典。

 

踏入第6年嘅新北耶誕城,今年由1119日至下年12日,喺台北捷運板橋站地面一帶舉行,不同嘅燈飾佈置會放喺板橋站每個角落,吸引大量當地民眾參觀,人山人海場面絕對少不免。巨型3D聖誕樹投影動畫表演,一向係呢個活動嘅重點,上年大會就用一棵3層樓高嘅3D聖誕樹,播放桑塔熊與星星的故事。今年大會更玩大佢,將3D投射擴大到整個新北市府大樓,投射面積高達5,239平方公尺。

 

除咗有燈飾睇,新北耶誕城仲會喺平安夜前一個周末,舉行一連3日嘅巨星連環演唱會,演出嘅更加係台灣嘅頂級歌手,舊年就有羅志祥(小豬)、田馥甄(Hebe)、蕭敬騰同蔡健雅,呢啲日子就更加將人潮推至高峰。當然,如果唔想咁逼嘅話,平日晚上去睇燈飾都可以感受吓氣氛嘅。


最後同大家分享吓舊年小弟拍低嘅盛況。(想同我地更多交流,歡迎加入在台香港人群組)

 

 

 

 

 

 

 

 

 

 

 

文章標籤
創作者介紹

台中港人

傑拉德在台中 發表在 痞客邦 PIXNET 留言(0) 人氣()