台中港人

唔記得仲有台灣深度行未寫完添~~
今次要介紹的是位於中部的清境農場，相比上次介紹的車埕、集集遠好多...
唔係嚇你...天都未光，凌晨六點就已經去到台北客運站，準備出發。
作為夜魔一族，點會咁早起身丫，梗係未瞓啦！

首先搭四粒半鐘，去到一個名為埔里的地方，一睇就知係釀酒的小鎮啦！
然後再搭多一粒鐘上山，幾個人搭的士都唔貴喎，800 台幣左右。

經過這兩程車，乜都瞓夠啦~~
跟車埕的情況一樣，當年這裡是一大遍牧場，後來畜牧業式微，就改為旅遊區囉。
清境農場主打的景點名為青青草原，漫山青草，可惜當日天色迷懞。
草原中，當然少不了主角由朝到晚掛住食的主角...綿羊啦！

作為旅遊區，當然少不了綿羊表演，都係打根斗、跳火圈之類，冇乜特別。

表演場地附近有飼料販賣機，大朋友小朋友都顛埋一份。

原來綿羊真係好鬼死為食架！一見到小朋友攞住飼料即時圍佢。
 

一路行上山（其實好細個山~~）有一個名為音樂堡的景點，
除了售賣紀念品，還有一些夠秤的小綿羊，有啲企都未企得穩，So Cute！

玩完綿羊之後，經過一條名為天長地久步道的棧道，好明顯係俾人影婚紗相架啦！

然後就會去到其他牧區，除了綿羊，原來仲有乳牛添。

講真，草原沒有想像中那麼大，邊走邊吃邊拍照，也夠你漫步大半天。
不過即日來回就似乎太辛苦了，所以建議可以在那裡住一天。
唔係講笑，清境的民宿，遠看真係靚到曉飛！

價錢又唔係貴喎，幾百元港幣一天，抵玩！
不過唔係間間都有冷氣的，事關清境海拔幾千呎，很清涼的。
好玩~好玩~